Hillary: Trump alikiuka vikwazo vya biashara dhidi ya Cuba.

Image copyrightGETTY IMAGES

Image captionMgombea wa Republican Donald Trump

Mgombea urais wa chama cha Democratic nchini Marekani Hillay Clinton, amemlaumu mshindani wake wa chama cha Republican Donald Trump kwa kuyaweka mbele maslahi yake kuliko sheria na sera za taifa la Marekani.

Inafuatia ripoti katika jarida la Newsweek inayodai kuwa kampuni inayomilikiwa na Donald Trump ilikiuwa vikwazo vya kibiashara vilivyowekwa na Marekani dhidi ya Cuba miaka ya tisini.

Jarida hilo linadai kuwa maafisa wakuu wa kampuni hiyo walipeleka dola 68,000 nchini Cuba, wakati matumizi yoyote bila ya idhini ya serikali yalikuwa ni kinyume na sheria.

Meneja wa kampeni ya Bwana Trump anasema kuwa alielewa kuwa pesa zililipwa lakini Trump aliamua kutowekeza huko.

Image copyrightGETTY IMAGES

Image captionHillary anasema Trump aliweka maslahi yake mbele kuliko sheria za Marekani

Sasa kamati inayoendesha kampeni ya Trump imetakiwa kujibu maswali yanayotokana na tuhuma hizo.

Mapema wiki hii Trump alikuwa kwenye mitaa ya mji wa Miami yenye watu wa asili ya Cuba, ambapo alipata kikombe cha kahawa kwenye mkahawa mmoja maarugu jinsi walivyofanya watanguliza wake.

Hata hivyo jitihada zake huenda zikaathiriwa na vitendo vya siku za nyuma.

bbc.

Read More

Rwanda yanunua ndege ya kisasa ya Airbus.

Image captionNdege hiyo ina uwezo wa kubeba abiria 244

Shirika la ndege la Rwanda, Rwandair, limezidisha ushindani katika uchukuzi wa ndege Afrika Mashariki na Kati kwa kununua ndege aina ya Airbus A300-200.

Ndege hiyo itawezesha shirika hilo kufika masoko ya Ulaya na bara Asia.

Ndege hiyo ilizinduliwa kwa mara ya kwanza kwenye uwanja wa kimataifa wa Kanombe, Kigali.

Mkuu wa shirika la Rwandair John Mirenge amewaambia waandishi wa habari kuwa ndege hiyo yenye nafasi ya abiria 244 ndiyo ya kwanza katika ukanda huu na ina teknolojia ya kisasa na ya hali ya juu.

"Ukiwa angani ndani ya ndege hii unaweza kupiga simu, kupata ujumbe wako wa simu, ujumbe wa barua pepe, ujumbe wa WhatsApp na mawasiliano mengine. Haya hayakuwepo katika ndege nyingine tulizo nazo," amesema.

"Hata katika ukanda huu na kwingineko barani afrika hakuna shirika lenye ndege iliyo na uwezo huo."

Ni ndege iliyotengenezwa nchini Ufaransa na kununuliwa kwa kitita cha dolla milioni 200 za marekani.

Image captionSafari ya kwanza ya ndege hiyo itakuwa kwenda Dubai

Bw Mirenge, anasema safari za shirika la ndege la Rwandair zilikuwa zinajikita sana Afrika magharibi na kati na kwamba ndege hii sasa inakuja kuongeza uwezo wa kuvamia masoko ya Ulaya, Asia na kusini mwa Afrika.

Safari ya kwanza ya ndege hiyo inatarajiwa kufanyika wikendi ijayo tarehe 8 kuelekea mjini Dubai.

Shirika hilo sasa linalenga kusafirisha abiria laki 750 ifikapo mwishoni mwa mwaka 2017.

bbc.

Read More

Sudan Yatuhumiwa kutumia silaha za sumu.

Serikali ya Sudan imefanya mashambulizi 30 yanayoshukiwa kuwa ya silaha za sumu katika eneo la Jebel Marra jimboni Darfur tangu Januari mwaka huu ikitumia kile watalaamu wamesema ni kemikali ya kusababisha malengelenge

Amnesty International imekadiria kuwa karibu watu 250 huenda walifariki kutokana na silaha za kemikali. Shambulizi la karibuni kabisa lilifanyika Septemba 9 na Amnesty imesema uchunguzi wake ulizingatia picha za satelaiti, mahojiano na zaidi ya watu 200 na watalaamu kuchunguza picha zilizoonyesha majeraha.

Mkurugenzi wa utafiti wa migogoro wa shirika la Amnesty International Tirana Hassan amesema matumizi ya silaha za sumu ni uhalifu wa kivita ""wakati wa mashambulizi haya, mamia ya raia walipigwa risasi, maelfu walipoteza makaazi, na moja ya mambo yanayokasirisha zaidi katika mgogoro wa Darfur ni kuwa tumepata ushahidi wa kuaminika kuwa serikali ya Sudan imekuwa ikitumia silaha za sumu dhidi ya raia"

Balozi wa Sudan katika Umoja wa Mataifa Omer Dahab Fadl Mohamed amesema katika taarifa kuwa ripoti hiyo ya Amnesty "haina msingi wowote kabisa” na kuwa Sudan haimiliki aina yoyote ya silaha za sumu. Amnesty imesema iliwakabidhi matokeo ya uchunguzi wake kwa watalaamu huru wa silaha za sumu. "tuliwapa watalaamu huru wawili ushahidi wote tuliokusanya. Waliuangalia na wakasema kuna ushahidi wa kuaminika kuwa kumekuwa na matumizi ya aina Fulani ya kemikali na hasa, kuna uwezekano mkubwa wa matumizi ya kemikali ya kusababisha malengelenge"

Sudan ilijiunga katika Makubaliano ya Silaha za Sumu mwaka wa 1999 ambapo wanachama hukubali kutotumia silaha za sumu.

Jeshi la kulinda amani la Umoja wa Afrika na Umoja wa Mataifa, linalofahamika kama UNAMID, limekuwa Darfur tangu mwaka wa 2007. Usalama bado ni tete jimboni humo, ambapo makabila yasiyo ya waarabu yanapigana na serikali ya Khartoum inayoongozwa na waarabu, na serikali inajitahidi kuyadhibiti maeneo ya mashambani. Karibu watu 300,000 wameuawa Darfur tangu mzozo huo ulianza 2003, kwa mujibu wa Umoja wa Mataifa, wakati watu milioni 4.4 wanahitaji msaada na wengine milioni 2.5 wamepoteza makaazi.

Mahakama ya Kimataifa ya Jinai ilitoa waranti za kukakamatwa Rais wa Sudan Omar Hassan al-Bashir mwaka wa 2009 na 2010 kwa tuhuma za uhalifu wa kivita na mauaji ya halaiki kutokana na operesheni yake ya kuangamiza uasi wa Darfur. DW

Read More

RIPOTI ya Benki ya Dunia kuhusu Uchumi wa Tanzania na Rwanda iko hapa..

Taarifa  kutoka Benki ya Dunia ambayo imetoa ripoti ya ustawi wa uchumi wa Afrika ambapo nchi za Afrika Mashariki za Tanzania na Rwanda zinaonekana kuwa na uchumi wenye kustawi kwa wastani.

Ripoti mpya ya Benki ya dunia itolewayo mara mbili kwa mwaka, Africa’s Pulse, inaonesha kuwa mwelekeo wa ukuaji uchumi barani Afrika unatarajiwa kudorora zaidi na kuwa asilimia moja nukta sita mwaka huu ikilinganishwa na asilimia tatu mwaka jana.

Hata hivyo imebainisha kuwa, mwelekeo wa ukuaji unatofautiana ambapo baadhi ya nchi ustawi umedorora huku nyingine uchumi unakua. Kwa mfano Rwanda, Tanzania na Ethiopia zimetajwa kuwa nchi zenye ustawi wa wastani ambao ni zaidi ya asilimia sita kwa mwaka, huku Cote d’Ivoire na Senegal zikiongoza kwa kasi ya ustawi barani Afrika.

Mchumi Mkuu wa Benki ya dunia kuhusu Afrika Albert Zeufack amesema chanzo cha kukwama ustawi wa uchumi ni kudorora kwa bei za bidhaa ikiwemo mafuta, hali ngumu ya kifedha na sera za uchumi zisizo makini.

Benki ya Dunia inasema mwelekeo ni kupanua wigo wa bidhaa zinazouzwa pamoja na kuboresha sekta ya kilimo hasa kwa wakulima wadogo wadogo ili kuinua vipato vyao na kupunguza umaskini.

Millard Ayo.

Read More

PICHA: Majiji 20 yanayoongoza kwa kutembelewa zaidi duniani.

Sasa leo nakusogezea hapa list ya Majiji yaliyotajwa na taasisi ya The Mastercard’s Global Destination Cities Index ikiyaweka kwenye majiji yanayotembelewa zaidi duniani.

List hii imetoka baada ya kukusanya taarifa za majiji hayo za miaka Saba kuanzia mwaka 2009 mpaka 2016. Bara la Asia limechukua headlines kwa kuingiza Majiji 11, wakati hakuna jiji lolote lililoingia kutoka Bara la Afrika.

Hii ndio List kamili ya majiji 20 yaliyotajwa kutembelewa zaidi duniani.

20. Prague, Jamhuri ya Czech

Jiji hili limetajwa katika nafasi ya 20 likiwa idadi ya watu Milioni 5.81 wanaolitembelea kila siku.

19. Shanghai, China

Hutembelewa na watu Milioni 6.12 kwa siku.

18. Vienna, Austria

Hutembelewa na watu Milioni 6.69 kila siku.

17. Osaka, Japan 

Hutembelewa na watu Milioni 7.02 kila siku.

16. Roma, Italy

15. Taipei, Taiwan

Hutembelewa na watu Milioni 7.35 kila siku.

14. Milan, Italy

Hutembelewa na watu Milioni 7.65 kila siku.

13. Amsterdam, Uholanzi

Hutembelewa na watu Milioni 8 kila siku.

12. Barcelona, Hispania

Hutembelewa na watu Milioni 8.2 kila siku.

11. Hong Kong, China

Hutembelewa na watu Milioni 8.37 kila siku.

10. Seoul, Korea Kusini

Hutembelewa na watu Milioni 10.2 kila siku.

9. Tokyo, Japan

Hutembelewa na watu Milioni 11. 7 kwa siku.

8. Istanbul, Uturuki

Hutembelewa na watu Milioni 11.95 kila siku.

7. Kualar Lumpur, Malaysia

Hutembelewa na watu Milioni 12.02 kila siku.

6. Singapore

Hutembelewa na watu Milioni 12.11 kila siku.

5. New York, Marekani

Hutembelewa na watu Milioni 12.75 kila siku.

4. Dubai, Umoja wa Falme za Kiarabu

Hutembelewa na watu Milioni 15. 27 kila siku.

3. Paris, Ufaransa

Hutembelewa na watu Milioni 18.03 kila siku.

2. London, Uingereza

Hutembelewa na watu Milioni 19.88 kila siku.

1. Bangkok, Thailand

Hutembelewa na watu Milioni 21.47 kila siku.

Read More

PICHA: Private jet ya bilioni 42 ya Cristiano Ronaldo imepata ajali.

by Millard Ayo.

Jina la staa wa soka wa kimataifa wa Ureno anayeichezea klabu ya Real Madrid yaHispania Cristiano Ronaldo amerudi kwenye headlines baada ya kuripotiwa kwa taarifa za kupata ajali kwa ndege yake binafsi.

Mtandao wa dailymail.co.uk umeripoti ndege binafsi ya Cristiano Ronaldo yenye thamani ya pound milioni 15 ambazo ni zaidi ya Tsh bilioni 42, ndege binafsi ya Ronaldoimepata ajali wakati staa huyo akiwa amekodisha watu wengine.

Gulfstream G200 imepata ajali ikiwa inajaribu kutua katika uwanja wa ndege wa El Pratjiji la Barcelona wakati ambao runway zilikuwa zimefungwa, gear ya kuwezesha ndege hiyo kutua ziligoma kufanya kazi, ajali hiyo imetokea Ronaldo akiwa na timu yakeUjerumani katika mchezo wa UEFA Champions League dhidi ya Borussia Dortmund.

Read More

TBT: Picha za utoto za mchezaji ghali zaidi duniani Paul Pogba.

Leo Septemba 29 2016 naomba nikusogezee TBT Picha za utoto za mchezaji ghali zaidi duniani Paul Pogba.

Kama humfahamu Paul Pogba ni jamaa ambaye alizaliwa  Lagny-sur-Marne wazazi wake wakiwa wametokea Guinea, katika soka Pogba ana ndugu zake wawili ambao wote wanacheza soka pia, kaka yake Mathias anachezea timu ya taifa yaGuinea.

Paul Pogba muonekano wake wa sasa

Paul Pogba muonekano wake wa sasa

Pogba wa pili kutoka kushoto waliosimama

Pogba wa katikati na kaka zake

Pogba wa kwanza kushoto

Pogba wa kwanza kushoto

Read More