Image copyrightGETTY IMAGESImage captionTeksi za Uber
Kampuni ya teksi ya Uber kwa mara ya kwanza itazindua magari ya kujiendesha katika kipindi cha wiki mbili.Uber imesema kuwa uzinduzi huo utafanyika mjini Pittsburgh ,Pennysylvania.
Imeongezea kuwa inashirikiana na kampuni ya Volvo .
Kwanza magari hayo yatasimamiwa na dereva,ambaye atachukua udhibiti iwapo itahitajika,na muangalizi kulingana na Bloomberg.
Uber ina mpango wa kuwafuta kazi madereva wake milioni moja.
Msemaji wa kampuni hiyo ameiambia BBC kwamba kuanzia mwisho wa mwezi huu ,Uber itawaruhusu wateja wake mjini Pittsburgh kuyaita magari hayo yanayojiendesha ikiwa ni teknolojia ya hali ya juu ambayo haijaafikiwa duniani.
Mjini Pittsburgh ,wateja wataomba uchukuzi wa magari hayo kwa njia ya kawaida kupitia programu ya Uber,na itayashirikisha magari yanayojiendesha.
Uchukuzi utakuwa wa bure kwa sasa,badala ya kiwango cha kawaida cha dola 1.30 kwa kila maili moja.Kulikuwa na ripoti za kukanganya kuhusu magari ambayo yangeshiriki katika jaribio hilo.
Image captionUpungufu wa usalama wa simu zenye programu za Qualcomm
Upungufu wa usalama wa herufi za siri za takriban simu milioni 900 umewapa wadukuzi fursa ya kudhibiti simu za android kote duniani.
Upungufu huo unaowapa wadukuzi mlango wa nyuma wa kuiga herufi za siri uligunduliwa baada ya watafiti wa hali ya ubora wa programu Checkpoint walipojaribu kusuluhisha hitilafu iliyowezesha kirusi kuambukiza makumi ya mamilioni ya simu zilizokuwa na programu zilizoundwa na kampuni moja ya Marekani Qualcomm.
Kampuni hiyo inayounda programu za simu imeuza programu hiyo kwa watengenezaji wa simu milioni 900.
Hilo linamaanisha kuwa simu milioni 900 zipokatika hatari kubwa ya kudhibitiwa na wadukuzi.
Aina ya simu zilizoathirika
BlackBerry Priv na Dtek50
Blackphone 1 na Blackphone 2
Google Nexus 5X, Nexus 6 na Nexus 6P
HTC One, HTC M9 na HTC 10
LG G4, LG G5, na LG V10
New Moto X ya Motorola
OnePlus One, OnePlus 2 na OnePlus 3
Samsung Galaxy S7 na Samsung S7 Edge
Sony Xperia Z Ultra
Mkuu wa kampuni hiyo ya kutathmini ubora wa programu katika kampuni ya Checkpoint Michael Shaulov, anasema kuwa
''hakuna ushahidi kuwa tayari simu hizo zimeathirika ila kwa mtizamo wetu ni kuwa mlango uko wazi kabisa mtu yeyote mwenye ufundi na ubora kama wangu hivi anafahamu waziwazi kuwa hakuna hata kizingiti cha kumuibia mtu herufi za siri katika simu hizo tulizotaja hapo juu''
Image copyrightAPImage captionUpungufu unamwezesha mtu wa tatu kumpokonya mmiliki wa simu udhibiti kwani anaweza hata akabadilisha herufi za siri bila yako wewe kujua.
''upungufu unamwezesha mtu wa tatu kumpokonya mmiliki wa simu udhibiti kwani anaweza hata akabadilisha herufi za siri bila yako wewe kujua''
''Ni hatari sana , ni kama mtu amejenga nyumba akaweka mle ndani mali ya thamani ya juu kisha akaondoka akiwa ameacha mlango wake wazi''alisema Shaulov.
Checkpoint tayari imeanza kutoa programu zenye uwezo wa kudhibiti simu hizo na tayari wameipa kampuni ya Qualcomm mbinu za kudhibiti simu hizo.
Njia moja ya kuimarisha usalama wa simu wanasema ni kununua programu kutoka kwa soko maalum la Google Play.
Qualcomm imenyamaza kimya kuhusu ripoti hii iliyotolewa na Checkpoint.
Image copyrightNASAImage captionPicha ya kwanza ya sayari ya Jupiter
Chombo cha anga za juu cha shirika la Marekani la NASA kilichopewa jina Juno kimetuma picha za kwanza za sayari ya Jupiter.
Moja ya hizo, iliyotolewa na NASA Jumanne inaonesha sayari hiyo ikiwa imezungukwa na miezi mitatu kati ya miezi yake minne mikubwa.
Miezi inayoonekana ni Lo, Europa na Ganymede. Mwezi huo mwingine uitwao Callisto hauonekani.
Picha hiyo ilipigwa Jumamosi sayari Juno ilipokuwa inazunguka sayari hiyo ikiwa umbali wa maili milioni tatu.
Hata katika umbali huo, Shimo Jekundu, lililosababishwa na dhoruba kali kwenye sayari hiyo karne nyingi zilizopita, linaonekana.
Image copyrightGETTYImage captionWataalamu wa Nasa wakisherehekea kufika kwa Juno mzingo wa Jupiter
Juno iliingia katika mzingo wa Jupiter wiki iliyopita na kuanza kuizunguka sayari hiyo ambalo pia hufahamika kama Zohali au Zozali.
Safari yake kutoka duniani hadi ilichukua miaka mitano.
Juno itachunguza na kupeleleza sayari hiyo kwa miezi 20, lengo kuu likiwa kusaidia wanasayansi kubaini asili ya sayari hiyo ambayo wanaamini inaweza kuwasaidia kuelewa zaidi asili ya mfumo wa jua.
Chombo hicho cha juu kilipokuwa kinaikaribia Jupiter, kamera zake na mitambo mingine muhimu vilizimwa kuzuia visiharibiwe na miali nururishi. Baadaye, vilifunguliwa.
Image copyrightAFPImage captionPicha za karibu zaidi za Jupiter zinatarajiwa mwezi ujao
Wanasayansi wanatarajia picha za karibu zaidi za Jupiter zitapokelewa mwezi ujao.
Jupiter ina ukubwa mara 11 kuzidi Dunia na uzito wake ni mara 300 zaidi
Sayari hiyo hutumia miaka 12 ya dunia kulizunguka jua; siku moja huko hudumu saa 10.
Muundo wake ni kama wa nyota , sana haidrojeni na helium.
